شعربمناسبة العيد

العيد قرب والحبايب بعيدين ---- وغير الرسايل مالنا اليوم حيله
ياربنا تجمع جميع المحبين ---- بمن يحبو لو بيومٍ وليــــــــــله

العيد يااخوان ترى شوفة العين ----- وزيارة الشخصين تسوى قبيله
لانستهين بزيارة العيد بعــدين ----- تمر الشهو ر والسنين الطويله

لاجيت جيرانك وباقي المحبين ---- ولازرت من هم ذو نفوسٍ نبيله
عشان كذا الله الله يازيـــــن ---- زيارة الاقراب عاده اصــــــــيله

عاداتنا ياخوان هي ترفض البَين --- لان التواصل ذوق وعاده جميله
العيد يااخوان فيه اللقاء زين --- فيه التسامح للقلوب النبيله

ونسال من الله بس انتم قولو امين --- يعيد ربي كل خليـــــــل لخليله
وفي العيد لاتنسو جميع المساكين --- وادخلو الفرحه بايت وسيله

وازكى تحيه تاصل المحترمين ---- اللي بيقرون القصايد الجميله
سلام خاص اهديه من حين الى حين ----- ايام وشهوروسنينٍ طويله